fota Siarhieja Zinina
Marazy ŭ Biełarusi ŭ bližejšyja dni ŭzmocniacca, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
«U apošni tydzień listapada na terytoryi Biełarusi budzie zimovy charaktar nadvorja», — adznačyŭ Dźmitryj Rabaŭ. U druhoj pałovie tydnia načnyja marazy ŭzmocniacca, a siaredniasutačnaja tempieratura budzie ŭ asnoŭnym na 3—7 hradusaŭ nižejšaja za klimatyčnuju normu.
Pry hetym u bolšaści rajonaŭ zachavajecca suchoje i cichaje nadvorje,
tolki ŭ zachodnich i paŭnočna-zachodnich rajonach krainy, dzie adabjecca ŭpłyŭ atmaśfiernych frantoŭ z Zachodniaj Jeŭropy, mahčymy apadki.
U aŭtorak, 25 listapada, prahnazujecca pieravažna biez apadkaŭ, tolki ranicaj i dniom pa zachadzie čakajucca śnieh i mokry śnieh. Nočču i ranicaj miescami źjaviacca słabyja tuman i hałalod. U zachodnich i centralnych rajonach na niekatorych učastkach daroh prahnazujecca hałalodzica. Tempieratura pavietra ŭnačy składzie minus 2—8 hradusaŭ, pa ŭschodzie čakajecca 9—11 sa znakam minus, dniom čakajecca ad 4 marozu da 1 hradusa sa znakam plus.
U sieradu ŭ niekatorych rajonach prahnazujecca nievialiki mokry śnieh. Na darohach miescami čakajecca hałalodzica. Tempieratura pavietra ŭnačy składzie minus 2-9 hradusaŭ, pa ŭschodzie - ad 10 da 12 hradusaŭ marozu, dniom prahnazujecca ad 0 da minus 7.
U čaćvier budzie pieravažna biez apadkaŭ, na darohach miescami — hałalodzica. Tempieratura pavietra ŭnačy składzie minus 4—11 hradusaŭ, pry prajaśnieńniach — da 13 hradusaŭ marozu. Dniom budzie minus 1—8 hradusaŭ.
U piatnicu i subotu apadkaŭ pa-raniejšamu nie prahnazujecca, zachavajecca hałalodzica. Tempieratura pavietra ŭnačy składzie minus 6—13 hradusaŭ, pry prajaśnieńniach budzie da 15 hradusaŭ marozu, dniom — ad 2 da 9 hradusaŭ nižej za nul.
U niadzielu čakajecca pieravažna biez apadkaŭ, tolki pa paŭdniovym zachadzie mahčymy karotkačasovy śnieh, zachavajecca hałalodzica.
Tempieratura pavietra ŭnačy składzie minus 6-13 hradusaŭ, pry prajaśnieńniach — da 15 hradusaŭ marozu, udzień čakajecca ad 2 da 9 hradusaŭ sa znakam minus. Krychu ciaplej budzie pa paŭdniovym zachadzie krainy, dzie nočču čakajecca minus 3—5 hradusaŭ, u dzionnyja hadziny — kala nula.
