Jak paviedamili pradstaŭniki papularnaj kniharni, da ich pryjšła pazapłanavaja finansavaja pravierka padatkovych słužb.
Pryčym kniharniu na čas pravierki apiačatali, jana nie pracuje. Heta niešta vyklučnaje pry padobnych pracedurach.
«Maje miesca peŭnaje parušeńnie. Jość padstavy — ukaz №510. Kiraŭnictva arhanizacyi viedaje, im vystaŭlena patrabavańnie pradjavić dakumienty. Pravierka budzie ciahnucca da 3 dzion», — paviedamiła «Našaj Nivie» načalnica inśpiekcyi MPZ u Centralnym rajonie Minska Taćciana Bračkoŭskaja.
Letaś Ministerstva infarmacyi zabrała ŭ vydaviectva «Łohvinaŭ» vydavieckuju licenziju za vypusk alboma «Pres-fota Biełarusi 2011».
Kniharnia, što mieścicca kala płoščy Pieramohi, źjaŭlajecca papularnym miescam sustreč moładzi, tam časta ładziacca prezientacyi knih.
