Z 1 studzienia 2015 hoda ŭ Vałahodskaj vobłaści buduć całkam skasavanyja ŭsie pryharadnyja čyhunačnyja maršruty. Ab hetym paviedamlaje aficyjny partał urada Vałahodskaj vobłaści.
Heta paćvierdziŭ taksama i hubiernatar Vałahodskaj vobłaści Aleh Kuŭšyńnikaŭ. Pa jahonych słovach, takoje stanovišča skłałasia z-za nieabhruntavana vysokich zatrataŭ na pryharadnyja pieravozki, jakija abaznačyła Paŭnočnaja pryharadnaja pasažyrskaja kampanija (filijał kampanii «Rasijskaja čyhunka» — RŽD).
«Pa viersii RŽD, vobłaść pavinna kampiensavać straty pryharadnaj kampanii. Patrabavańni kampanii vymiarajucca sotniami miljonaŭ rubloŭ u hod, my ich pryniać nie možam, pakolki jany nie abhruntavanyja. My hatovyja kampiensavać mižtaryfnuju roźnicu ŭ abjomie 22 miljonaŭ rubloŭ, ale RŽD hetaja suma nie zadavalniaje», — rastłumačyŭ hubiernatar.
Pavodle jahonych słoŭ, kampanija ŭ adnabakovym paradku admoviłasia ad vykanańnia svaich abaviazacielstvaŭ, choć adpaviednaja damova joju była padpisanaja i zmacavanaja piačatkami.
Z metaj prymusu pieravozčyka da vykanańnia kantraktu Urad rehijonu źviarnułasia ŭ Arbitražny sud Jarasłaŭskaj vobłaści i Druhi apielacyjny sud ab prymusie kampanii da pryharadnych pieravozkach.
Paśla razhladu materyjałaŭ, pradstaŭlenych pieravozčykam, Rehijanalnaja enierhietyčnaja kamisija ŭstanaviła ekanamična abhruntavany taryf na prajezd pryharadnym čyhunačnym transpartam u nastupnym hodzie. Jon skłaŭ 5 rubloŭ 20 kapiejek za 1 kiłamietr (52 rubli za dziesiacikiłamietrovuju zonu), što ŭ dva z pałovaj razy vyšej, čym ciapier, i adčuvalna adabjecca na vydatkach patencyjnych pasažyraŭ.
«Hetyja prapanovy nakiravanyja ŭ RŽD, ale jany taksama byli adchilenyja. A ŭ parušeńnie našych damoŭlenaściej Paŭnočnaja pryharadnaja pasažyrskaja kampanija (PPPK) prainfarmavała, što ŭ suviazi z adsutnaściu finansavańnia, z 1 studzienia budučaha hoda jana admianiaje pryharadnyja pasažyrskija ciahniki na terytoryi Vałahodskaj vobłaści», — padkreśliŭ Aleh Kuŭšyńnikaŭ.
Da taho ž varta adznačyć, što baki dahetul nie mohuć damovicca ab kampiensacyi strat za 2012 hod. Na svaim sajcie PPPK apublikavana list v. a. hiendyrektara kampanii Andreja Šalankova ŭ departamient darožnaj haspadarki i transpartu rehijonu ŭ adkaz na pastanovu ŭrada Vałahodskaj vobłaści ad 15 śniežnia 2014 h. ab kampiensacyi niedaatrymanych dachodaŭ za 2012 hod. U liście havorycca, što suma strat PPPK za 2012 hod u Vałahodskim rehijonie skłała 238,5 młn rub., a departamient vobłaści prapanoŭvaje kampiensavać tolki 22 młn rub. Takim čynam, kampanija-pieravozčyk stracić prava na atrymańnie pakinutaj častki doŭhu – 216,6 młn rub., reziumuje pieravozčyk. PPPK prapanuje ŭradu pieraličyć 22 młn rub., a na astatniuju častku sumy zaklučyć pahadnieńnie ab restrukturyzacyi doŭhu. Ci zhodnyja na heta rehijanalnyja ŭłady — niezrazumieła.
«Całkam realna, što pryharadnyja pieravozki ŭ Vałahodskaj vobłaści spyniać isnavańnie pa vinie rehijonu. My možam pačakać miesiac-dva, a dalej budziem vymušanyja rasfarmavać bryhady, płatformy, ŭčastki absłuhoŭvańnia i hetak dalej»,
— zajaviŭ načalnik Paŭnočnaj čyhunki RŽD Vasil Biłocha.
«Pieramoŭny praces z Vałahodskaj vobłaściu ab vydzialeńni biudžetnych kampiensacyj strat «SPPK» doŭžycca ŭžo bolš za piać hadoŭ, i da hetaha času nie daŭ vynikaŭ. Zaraz straty «Paŭnočnaj pryharadnaj pasažyrskaj kampanii» składajuć bolš 728000000. Rubloŭ, pry hetym kampiensacyja paniesienyja ŭ vyniku akcyi taryfnaha rehulavańnia strat AAT «SPPK» biudžetam Vałahodskaj vobłaści na 2012, 2013 i 2014 hady nie praduhledžvałasia. Tamu pryharadnyja čyhunačnyja pieravozki ŭ Vałahodskaj vobłaści buduć ažyćciaŭlacca tolki pry ŭmovie poŭnaj kampiensacyi strat AAT «SPPK» uradam rehijonu», – zajaŭlajecca na sajcie RŽD.
Taksama na sajcie Paŭnočnaj pasažyrskaj pryharadnaj kampanii pryvodzicca tłumačeńnie sistemy arhanizacyi pryharadnych pasažyrskich pieravozak u RF: «Pa zakonach Rasijskaj Fiederacyi arhanizacyja pryharadnych pasažyrskich pieravozak znachodzicca ŭ miežach paŭnamoctvaŭ subjektaŭ RF. Rehijanalnyja ŭłady ažyćciaŭlajuć zamovu na transpartnaje absłuhoŭvańnie nasielnictva vobłaści, ustaloŭvajučy taryfy na prajezd u pryharadnych ciahnikach, pry hetym subjekty Fiederacyi pavinny kampiensavać straty, jakija niasuć pryharadnyja pasažyrskija kampanii ŭ vyniku taryfnaha rehulavańnia».
Jak vyśviatlajecca, pry takoj sistemie pracy pryharadnaj čyhunki, kiraŭnictva Vałahodskaj vobłaści nazapasiła vialikija zapazyčanaści pierad kampanijaj-pieravozčykam. Na sajcie PPPK pryvodzicca abjom strat, jakija paniesła kampanija ŭ vyniku pracy ŭ vobłaści: «…finansavyja straty AAT «PPPK» ad pieravozak pa terytoryi Vałahodskaj vobłaści, biez uliku 2014 hoda, skłali bolš za 650 młn rubloŭ (i bolš 156 młn rub. za 11 miesiacaŭ 2014 hodu)». Vynik atrymlivajecca nie samy viasiołkavy. «Tamu ŭ suviazi z adsutnaściu finansavańnia arhanizacyi pryharadnych pasažyrskich čyhunačnych pieravozak z boku ŭrada Vałahodskaj vobłaści «PPPK» vymušana całkam admianić pryharadnyja ciahniki ŭ rehijonie», – zajaŭlaje PPPK.
Takoje stanovišča spraŭ nie mahło nie vyklikać abureńnia ŭ zvyčajnych rasijan. U Vołahdzie ŭžo pravodzilisia mitynhi suprać admieny elektryčak.
Apošni mitynh, jaki prachodziŭ na płoščy Čajkoŭkaha jašče 10 śniežnia, sabraŭ kala tysiačy ŭdzielnikaŭ. Na mitynhu taksama prysutničali pradstaŭniki partyj «Jabłoko», «KPRF» i «Partyja Prahresu». Udzielniki akcyi pratestu paabiacali, što vyjduć znoŭ na mitynh u lutym 2015 — kab jašče raz nahadać pra siabie ŭładam.
Taksama da dadzienaj prablemy źviarnuŭsia ŭ svaim błohu viadomy rasijski palityk i aktyvist Alaksiej Navalny: «Ciapier atrymlivajecca, pa vyniku ŭsich hetych «nalitych i stabilnych nulavych», paśla atrymańnia ad prodažu nafty i hazu 2,1 tryljona dalaraŭ za apošnija 15 hadoŭ, u Rasii admianiajuć hramadski transpart. To bok, heta ŭžo litaralna dehradacyja krainy biez usialakich pierabolšańniaŭ. Na čarzie rašeńnie ab samastojnaj narychtoŭcy nasielnictvam łučyny ŭ suviazi ź niemahčymaściu pahasić zapazyčanaść pierad jakoj-niebudź rehijanalnaj elektra-sietkavaj kampanijaj.» Navalny adkryta nazyvaje dadzienuju situacyju «hienacydam ruskich» u Rasijskaj Fiederacyi.
Dziela poŭnaha razumieńnia situacyi prapanujem pa pahladzieć na Vałahodskuju vobłaść u składzie RF:
Nasielnictva vobłaści składaje 1,2 młn čałaviek. Ź ich tolki 300 tysiač pražyvaje niepasredna ŭ stalicy vobłaści – Vołahdzie. Pa paviedamleńniach miascovych žycharoŭ i hramadskich aktyvistaŭ, u vyniku hetakaha nieparazumieńnia pamiž kiraŭnictvam vobłaści i RŽD vialikaja kolkaść ludziej, jakija pražyvajuć u addalenych vioskach, mohuć być całkam adrezanyja ad źniešniaha śvietu.
Tak, u niekatoryja vioski dastaŭka praduktaŭ charčavańnia, a taksama inšych tavaraŭ arhanizavanaja vyklučna pasrodkam elektryčak. Naprykład, u vioscy Vołanha Charoŭskaha rajona žychary navat arhanizoŭvajuć adzinočnyja pikiety suprać admieny pryharadnych ciahnikoŭ. Da ich rajonnaha centra im ciapier pryjdziecca dabiracca pieššu – 12 kiłamietraŭ.
Urad Vałahodskaj vobłaści ŭžo viadzie pieramovy z aŭtobusnymi pieravozčykami i abiacaje zamianić elektryčki maršrutami aŭtobusaŭ, raskład jakich budzie blizki da raskładu elektryčak. Ale miascovyja žychary paviedamlajuć, što aŭtobusnyja pieravozki – nie vychad. Pa-pieršaje, hety vid pieravozak jaŭna daražejšy, a pa-druhoje, aŭtobusnyja prypynki raźmieščanyja daloka nie va ŭsich nasielenych punktach, dzie majucca čyhunačnyja stancyi. Takim čynam, na dadzieny momant nieviadoma, jak budzie vyrašanaja prablema pryharadnaj pieravozki pasažyraŭ u Vałahodskaj vobłaści.
