Pra heta paviedamili va ŭpraŭleńni Śledčaha kamiteta pa Minsku.
U pravaachoŭnyja orhany źviarnuŭsia minčuk, jaki paviedamiŭ ab ździajśnieńni ŭ dačynieńni da jaho supraćpraŭnych dziejańniaŭ. «Uviečary 25 śniežnia na aŭtastajancy ŭ adnaho z handlovych centraŭ čaćviora mužčyn hvałtoŭna pasadzili jaho ŭ aŭtamabil i vyvieźli z horada. U lasnym masivie pablizu Minskaha mora złamyśniki źviazali paciarpiełaha skotčam i patrabavali viarnuć hrašovy doŭh adnamu ź ich, zatym źbili i źjechali, pakinuŭšy źviazanym. Paciarpiełamu ŭdałosia samastojna vyzvalicca i dabracca da horada», — paviedamili va USK.
U vyniku sumiesnych mierapryjemstvaŭ supracoŭniki Frunzienskaha RASK i Frunzienskaha RUUS na praciahu sutak vyjavili asoby padazravanych, jany zatrymanyja. Čaćviarym minčukam va ŭzroście 23-25 hadoŭ pradjaŭlenyja abvinavačvańni ŭ vykradańni čałavieka, jakoje było ździejśniena ŭ hrupie, pa papiaredniaj zmovie, z užyvańniem hvałtu. U dačynieńni da abvinavačanych abranaja miera strymańnia ŭ vyhladzie zaklučeńnia pad vartu.
Raspačataja kryminalnaja sprava pa prykmietach złačynstva pa p.6 č.2 st.182 (vykradańnie čałavieka) Kryminalnaha kodeksa Biełarusi.
