27 studzienia ŭ 16.00 u halerei «Łabirynt» Nacyjanalnaj biblijateki Biełarusi adbudziecca prezientacyja knihi Anatola Fiedaruka «Staradaŭnija siadziby Hrodzienščyny».
Vydańnie vyjšła ŭ śviet u listapadzie 2014 h. pry finansavaj padtrymcy muzieja «Zamkavy kompleks «Mir». Kniha źmiaščaje ilustracyi i źviestki pra siadziby XVI — pačatku XX stst., jakija znachodzilisia na terytoryi Bierastavickaha, Vaŭkavyskaha, Voranaŭskaha, Hrodzienskaha, Dziatłaŭskaha, Zelvienskaha i Iŭjeŭskaha rajonaŭ Hrodzienskaj vobłaści. Pavodle mierkavańnia aŭtara, dadzienaja publikacyja moža stać asnovaj dla raspracoŭki turystyčnych maršrutaŭ pa terytoryi Hrodzienskaj vobłaści.
U 2013 h. vydaviectva «Biełaruś» užo nadrukavała pracu piśmieńnika «Staradaŭnija siadziby Biełarusi. Karelicki rajon». U hetym hodzie zapłanavana vydańnie treciaha, zaklučnaha toma, jakoje źmieścić źviestki pra siadziby astatnich rajonaŭ Hrodzienščyny.
U knihach Anatola Fiedaruka adlustravany historyja starych siadzibaŭ, charaktarystyka architektury, parkaŭ, vodnych sistem, dvaranskaja kultura, mastackija kaštoŭnaści, styl žyćcia ich uładalnikaŭ. Apisany sučasny stan siadzibaŭ, važnaść ich zachavańnia i novaha funkcyjanalnaha vykarystańnia.
Anatol Fiedaruk — prafiesar, doktar bijałahičnych navuk, vykładčyk Biełaruskaha dziaržaŭnaha piedahahičnaha univiersiteta imia Maksima Tanka. Vyvučeńniem historyi architektury, kultury staradaŭnich siadzibaŭ Biełarusi prafiesar zajmajecca z 1967 h. Jon źjaŭlajecca aŭtaram knih «Sadova-parkavaje mastactva Biełarusi», «Staradaŭnija siadziby Minskaha kraju», «Staradaŭnija siadziby Bieraściejščyny».
Halereja «Łabirynt»
adras: h. Minsk, pr-t Niezaležnaści, 116
