Homielskaja mytnia kanfiskavała Rolls Royce Phantom koštam Br1 młrd. Pra heta paviedamili ŭ pres-słužbie Dziaržaŭnaha mytnaha kamiteta.
Rolls Royce Phantom; fota ilustracyjnaje, vogueautodesign.com
Supracoŭniki Homielskaj mytni pravieryli dakumienty ŭ kiroŭcy hruzavoha aŭtamabila DAF z paŭpryčepam Krone, jaki ruchaŭsia na vyjezd ź Biełarusi. U hruzavym adsieku paŭpryčepa znachodziŭsia Rolls Royce Phantom. Pry hetym dakumient na mižnarodnuju pieravozku ŭ kiroŭcy adsutničaŭ. Aŭtamabil aryjentyrovačnym koštam Br1 młrd kanfiskavany. Na transpartny srodak DAF z paŭpryčepam Krone nakładzieny aryšt.
Taksama ŭ mižnarodnym punkcie propusku «Novaja Huta» Homielskaj mytni kanfiskavany lehkavy aŭtamabil Toyota Land Cruiser 200, jaki ruchaŭsia na vyjezd ź Biełarusi, kiravany hramadzianinam Ukrainy. U chodzie pravierki dakumientaŭ ustanoŭlena, što ŭ dačynieńni da hetaha transpartnaha srodku pry ŭjeździe na terytoryju Jeŭrazijskaj sajuza była aformlena mytnaja dekłaracyja na inšaha hramadzianina Ukrainy.
U pres-słužbie rastłumačyli, što pa zakanadaŭstvie hramadzianie pavinny byli źviarnucca ŭ mytny orhan dla atrymańnia dazvołu na pieradaču prava karystańnia i (abo) rasparadžeńnia uviezienych na mytnuju terytoryju Mytnaha sajuza zamiežnym transpartnym srodkam, što imi zroblena nie było. Aryjencirovačny košt kanfiskavanaha aŭtamabila składaje Br900 młn.
