Fota: AP/Scanpix
Ahresiŭny puhač uvahnaŭ u strach žycharoŭ horada Piurmierend na poŭnačy Hałandyi. Na praciahu apošnich niekalkich tydniaŭ jon napaŭ bolš, čym na 20 čałaviek, paviedamlaje Associated Press. Niekatorym ź ich navat spatrebiłasia špitalizacyja.
Adna z achviaraŭ apisała adčuvańni ad napadu ptuški tak: «Heta jak byccam tabie ŭ hałavu ŭlacieła cahlina, utorkanyja ćvikami».
Žychary napałochanyja, im rekamiendujuć mieć pry sabie parason dla abarony ŭ načny čas.
Pradstaŭnica internata dla invalidaŭ, pablizu jakoha bujanić puhač, raspaviała, što dniom zvyčajna prablem niama, ale kali ciamnieje, vychodzić na vulicu biez parasona, šlema abo kapieluša vielmi niebiaśpiečna.
«Prablema ŭ tym, što vy jaho zusim nie čujecie pierad napadam. Kipciury vostryja, jak brytva. Spadziajusia, haradskija ŭłady złoviać hetuju złaščasnuju ptušku jak maha chutčej», — kaža žančyna.
Ułady u svaju čarhu ŭžo padali prašeńnie ab dazvole złavić ptušku, jakaja znachodzicca ŭ statusie achoŭnaha vidu.
Na dumku śpiecyjalistaŭ, raniej puhača mahli ŭtrymlivać u niavoli, bo ŭ pryrodzie hetyja ptuški imknucca paźbiahać čałavieka.