Śviatło. Fota: Fabrizio Carbone/EPFL
Navukoŭcy Fiederalnaj politechničnaj škoły Łazany, Šviejcaryja, paviedamili pra vynachodnictva mietadu «fatahrafavańnia» fatonaŭ, z dapamohaj jakoha možna pakazać karpuskularna-chvalevy dualizm śviatła. Mietodyku jany apisali ŭ časopisie Nature.
Ekśpierymient dazvoliŭ litaralna pakazać na fota kvantavuju miechaniku, čyje zakony niepadobnyja da kłasičnaj miechaniki, zvykłaj u maštabach čałavieka.
Śviatło, što jość patokam fatonaŭ, nakiroŭvajecca praz łazierny impuls u nanaprovad dyjamietram u 0,00008 mm. Łazier nadaje enierhiju zaradžanym čaścinkam u samim nanaprovadzie — tady śviatło pačynaje vandravać u procilehłych napramkach, płyń nasustrač płyni. U vyniku sustrečy dźviuch chvalaŭ utvarajecca treciaja stajačaja chvala.
Mienavita stajačuju chvalu možna «sfatahrafavać». Dla hetaha treba nakiravać na nanaprovad patok elektronaŭ, jaki pry ŭzajemadziejańni z chvalaj zapavolicca ci paskorycca. Zvyšchutki mikraskop moža zafiksavać punkty, u jakich adbyvajecca źmiena chutkaści — ź ich i składajecca «zdymak».
Kali elektrony sutykajucca z fatonami ŭ stajačaj chvali, jany mianiajuć chutkaść fatonaŭ u chvali. Źmieny adbyvajucca «pakietami» enierhii, kvantami. Heta pakazvaje, što chvala jość patokam čaścinak.
Kab tłumačeńni nie vyhladali «zavumnymi», navukoŭcy prapanavali viasiołaje videa.
