U chutkim časie zavodzić staronki prezidenta Biełarusi ŭ sacyjalnych sietkach nie płanujecca, paviedamiła BiełaPAN pres-sakratar kiraŭnika dziaržavy Natalla Ejsmant.
Kamientujučy pieršakrasavicki žart «Našaj Nivy» ab tym, što «Alaksandr Łukašenka zavioŭ aficyjny Instagram», pres-sakratar zajaviła: «U prezidenta Biełarusi niama akauntaŭ u sacyjalnych sietkach. Pres-słužba nie viadzie taksama nijakija staronki prezidenta nidzie. Jany pajaŭlajucca, ja pra heta viedaju. U pryncypie, nie dumaju, što heta niejki dziŭny fakt, tamu što takija staronki viadomych ludziej, pačynajučy ad zorak estrady i praciahvajučy viadomymi palitykami, nie redkaść».
Natalla Ejsmant zaznačyła, što aficyjnyja staronki kiraŭnikoŭ dziaržaŭ u sacsietkach stanoviacca zvyčajna praktykaj, ale pres-słužba biełaruskaha prezidenta ŭ bližejšaj pierśpiektyvie naŭrad ci budzie zavodzić jaho staronki ŭ sacsietkach. «Ź ciaham času (usio ciače, usio źmianiajecca…) my budziem razhladać metazhodnaść, nieabchodnaść prysutnaści tam prezidenta Biełarusi. Dumaju, što ŭ nas i biez taho dastatkova adkryty i aktyŭny prezident, i biez dapamohi sacyjalnych sietak u nas jość mahčymaść danieści jaho pazicyju da kožnaha čałavieka», — dadała pres-sakratar.
