U Minsku pasažyry zmohuć u režymie anłajn daviedvacca ab pryčynach zatrymki hramadskaha transpartu, paviedamili ŭ dziaržaŭnym pradpryjemstvie «Minsktrans».
Apieratyŭnaja infarmacyja ab mahčymych pryčynach zatrymki transpartu ŭ režymie realnaha času ź siońniašniaha dnia publikujecca na aficyjnym sajcie pradpryjemstva «Minsktrans».
Jak paviedamlałasia, u lutym biahučaha hoda na sajcie «Minsktransa» adnaviŭ rabotu servis «Virtualnaje tabło». Servis pakazvaje čas da prybyćcia bližejšaha hramadskaha transpartu na prypynačny punkt, daje mahčymaść sačyć anłajn za naziemnym hartranspartam i manitoryć u režymie realnaha času miescaznachodžańnie mašyn vybranaha maršrutu. Heta pasłuha źjaŭlajecca dla karystalnika biaspłatnaj. «Virtualnaje tabło» pracuje jak na piersanalnym kampjutary, tak i na adaptavanych viersijach mabilnych płatform z uklučanym režymam pieradačy danych u sietkach GSM.
