Centralny bank Rasii paniziŭ aficyjny kurs dalara da 50 rubloŭ, jeŭra patańnieŭ da 53 rubloŭ, paviedamlajecca ŭ sieradu, 15 krasavika, na aficyjnaj sajcie rehulatara.
Amierykanskaja valuta patańnieła na 1,47 rubla da 50,50 rubla. Jeŭra zhubiŭ 1,18 rubla, jaho aficyjny kurs na 16 krasavika budzie składać 53,66 rubla.
U 13:15 pa maskoŭskim časie na Maskoŭskaj biržy dalar tarhavaŭsia na adznacy ŭ 50,59 rubla, za jeŭra na tarhach prapanoŭvali 53,63 rubla.
Namieśnik hałoŭnaha redaktara časopisa «Profil» Alaksiej Michajłaŭ raniej kazaŭ, što Centrabank Rasii «zhubiŭ rubiel». Kali ŭ śniežni 2014 jon «zhubiŭ» jaho ŭ bok padzieńnia, to ciapier — u bok ŭmacavańnia.
«Što adbyłosia za apošnija 2,5 miesiaca? U lutym Centrabank pravodziŭ vielizarnyja valutnyja interviencyi praz valutnyja REPA. Nie treba ličyć, što valutnyja REPA — heta nie interviencyja. Heta prosta inšaja forma interviencyi. Kali my budujem piramidu valutnaha REPA, heta absalutna anałahična pa svaich nastupstvach i maje tyja ž nastupstvy, što i zvyčajnaja valutnaja interviencyja», - upeŭnieny jon.
