Kaścioł byŭ zapoŭnieny jak ščyrymi katalikami, što pryšli na śviata Strečańnia , tak i haračymi prychilnikami biełaruskaha słova i biełaruskaj muzyčnaj kultury.
2 lutaha hramada śviatkavała 170‑hodździe sa Dnia Naradžeńnia Kastusia Kalinoŭskaha. Amatary śpievaŭ Eduarda Akulina sustrelisia ź lubimym vykanaŭcam. Piśmieńnica Volha Ipatava raskazała pra svaje ŭražańni ad tvorčaści paeta i barda, i pryśviaciła jamu vierš. E.Akulin vykanaŭ pieśni, pryśviečanyja Maksimu Bahdanoviču i Janku Kupale, prahučali tvory z albomu «Pieśni Załatoj Kryvii». U imprezie ŭziali ŭdzieł Aleś Kamocki, Leanid‑Drańko Majsiuk, Kastuś Hieraščanka i inšyja.
Na nastupny dzień u Čyrvonym Kaściole adbyłasia aŭtarskaja sustreča z muzyčnymi krytykami Anatolem Mialhujem i Vitaŭtam Martynienkam. Akramia mahutnych śpievaŭ Aleha Chamienki («Pałac»), liryčnych matyvaŭ Jaraša Mališeŭskaha, natchnionych piesień Andreja Plasanava, jana była ažyŭlena cikavymi ŭspaminami siabroŭ.
Jašče ŭ savieckija časy dva maładyja žurnalisty i amatary muzyki sustrelisia i paznajomilisia kala kramy hrampłaścinak pa vuł.Kazłova. Luboŭ da džazu i roku vyliłasia ŭ plonnaje supracoŭnictva ŭ halinie muzyčnaj krytyki.
Tady abodva žurnalisty drukavali natatki pra sučasnyja hurty ŭ moładzievych hazietach. Z takich zamalovak, jak «Natatnik fiłafanista» ŭ «Čyrvonaj źmienie» naradziłasia pieršaja kniha V. Martynienki pra sučasnuju muzyčnuju kulturu. Kniha pry ŭdziele i redahavańni piśmieńnika Kastusia Akuły była vydadzienaja za miažoj.
Pastupova padrasło pakaleńnie prychilnikaŭ biełaruskaha roku. Naradžalisia novyja hurty, staleli vykanaŭcy. Falkłor, bardaŭskija pieśni, rok pastupova pašyrali płyń nacyjanalnych śpievaŭ.
U pieršaha vydańnia knihi znajšlisia ŭdziačnyja čytačy. Małady i pierśpiektyŭny Vital Supranovič abaraniŭ dypłom ŭ Instytucie kultury pa tematycy hetaj knihi. Mienavita Vital, jaki za hety čas z moładzievaha aktyvista pieratvaryŭsia ŭ nacyjanalnaha dziejača i pradziusera, arhanizatara kancertaŭ i vydaŭca dyskaŭ, paspryjaŭ novamu vydańniu knihi pad nazvaj « 222 albomy biełaruskaha roku i nia tolki».
‑Biełaruski muzyčny šoŭ‑biźnies u nas siabroŭski,‑ ličyć Vitaŭt Martynienka. Heta svajeasablivy ruch, jaki maje stanoŭčyja rysy.‑Kab vydać pieršyja dyski niezaležnyja muzyki źviartalisia da svaich znajomych‑biźniesoŭcaŭ. Ciapier jany pierakanalisia, što ŭkładać hrošy ŭ biełaruskuju muzyku — pačesna i vynikova.
‑‑My pavinny adstojvać kožny svoj krok, svaju prysutnaść na našaj ziamli, u rodnym słovie, u pieśni, u imionach našych dziaciej, — ličyć žurnalisty i muzyčnyja krytyki.
