Biełaruś i Armienija admovilisia padpisać vynikovuju zajavu samitu Uschodniaha partniorstva, bo ŭ joj była fraza ab «anieksii» Kryma. Pra heta paviedamlaje Reuters sa spasyłkaj na dypłamatyčnyja krynicy.
Fraza pra «niezakonnuju anieksiju» paŭvostrava Rasijaj źmiaščałasia ŭ pieršapačatkovym tekście dakumienta. Z-za pazicyi Minska i Jerevana, pavodle infarmacyi ahienctva, budzie vypracavana kampramisnaja zajava, u jakim pazicyi Jeŭrasajuza i krain — udzielnic Uschodniaha partniorstva (Ukraina, Małdova, Azierbajdžan, Armienija, Hruzija i Biełaruś) buduć pradstaŭlenyja asobna.
U dakumiencie, pa źviestkach Reuters, budzie adznačana, što Jeŭrasajuz asudžaje dałučeńnie Kryma da Rasii. U im taksama buduć paznačanyja pazicyi ŭsich šaści byłych savieckich respublik, vykazanyja imi ŭ čas hałasavańnia ŭ AAN pa rezalucyi, jakaja asudžaje krymski refierendum. Tady Armienija i Biełaruś byli ŭ liku tych 11 dziaržaŭ śvietu, što padtrymali pazicyju Rasii.
Kampramisny tekst zajavy budzie vypracavany na samicie ŭ čaćvier.
Samit Uschodniaha partniorstva adbudziecca ŭ Ryzie 21—22 maja. Čakałasia, što padčas jaho budzie pryniata rašeńnie ab biaźvizavym režymie Ukrainy i Jeŭrasajuza.
