Fota vk.com/tap_vialejka.
Fota vk.com/tap_vialejka.
Siabry Tavarystva achovy pomnikaŭ historyi i kultury ź Vilejki ŭstalavali čarhovy infarmacyjny stend u rajonie. Na hety raz vałanciory adznačyli viosku Kamiena, dzie znachodzicca, jak ličać, adzin z Barysavych kamianioŭ — Varacišaŭ kryž.
Varacišaŭ kryž, fota Siarhieja Makareviča.
Varacišaŭ kryž — vałun z vyjavaj kryža. Jak pomnik epihrafiki, jon datujecca CHI-CHII stst. Daśledčyki śćviardžajuć, što vałun siudy trapiŭ ź ledavikom tysiačy hadoŭ tamu ź Finlandyi. A zhodna z narodnaj lehiendaj, u taki kamień Boh pieratvaryŭ sielanina, jaki na Vialikdzień araŭ pole. Vidać, sielanin byŭ sapraŭdnym vołatam, kali kamień atrymaŭsia bolšym za dva mietry vyšynioj.
Varacišaŭ kryž, fota Siarhieja Makareviča.
Kamień adkryŭ dla navuki hraf Kanstancin Tyškievič u1857 hodzie, padčas praviadzieńnia jaho znakamitaj ekśpiedycyi pa race Vilija.
Raniej padobnyja stendy vilejskija vałanciory ŭstalavali ŭ inšych miescach rajona: kala mahiły paŭstancaŭ va Uładykach, na miescach byłych majontkaŭ Ahinskich u Ručycach i Kozieł-Pakleŭskich u Servačy.
