Alaksandr Łukašenka nie pryjechaŭ na samit Uschodniaha partniorstva ŭ Ryzie, tamu što ŭ jaho šmat spraŭ u Biełarusi, zajaviŭ ministr zamiežnych spraŭ Biełarusi Uładzimir Makiej, adkazvajučy na pytańni žurnalistaŭ pa vynikach samitu 22 maja.
«Vielmi šmat spraŭ u Biełarusi ŭ jaho, — skazaŭ Makiej. — Voś siońnia, naprykład, źjezd prafsajuzaŭ vielmi važny. Heta raźvićcio hramadzianskaj supolnaści, darečy. Prezident tam vystupaŭ z pramovaj. Tamu jon upaŭnavažyŭ mianie ŭ jakaści kiraŭnika biełaruskaj delehacyi ŭdzielničać u hetym samicie».
Nahadajem, što Alaksandr Łukašenka zaniesieny ŭ śpis asobaŭ, jakich ES ličyć vinavatymi ŭ parušeńni pravoŭ čałavieka ŭ Biełarusi, jamu zabaronieny ŭjezd na terytoryju ES.
Na pytańnie, ci abmiarkoŭvałasia siońnia na samicie pytańnie źniaćcia vizavych sankcyj ź biełaruskich čynoŭnikaŭ, Makiej adkazaŭ: «My abmiarkoŭvajem usie pytańni z našymi jeŭrapiejskimi kalehami. Bolš za toje, ja skažu, što siońnia navat ministry niekatorych krain, jakija zaŭsiody vielmi strymana staviacca da Biełarusi, prajavili inicyjatyvu adnosna sustrečy sa mnoj. I ŭ nas adbyłasia ź imi vielmi plonnaja kanstruktyŭnaja razmova».
Pry hetym Makiej zaŭvažyŭ, što pakul nie moža nazvać imiony hetych ministraŭ.
