Były premjer-ministr Izraila Echud Olmiert prysudžany da vaśmi miesiacaŭ turmy pa abvinavačvańni ŭ karupcyi.
Olmiert abvinavačvaŭsia ŭ tym, što z 1993 pa 2002 hod, budučy meram Jerusalima, a zatym ministram handlu i pramysłovaści, atrymlivaŭ ad amierykanskaha biznesmena najaŭnyja srodki na budaŭnictva i na palityčnuju dziejnaść, pry hetym častku hrošaj traciŭ u asabistych metach.
U sakaviku akruhovy sud Jerusalima pryznaŭ jaho vinavatym u niezakonnym atrymańni hrašovych srodkaŭ, abviaščeńnie pakarańnia adbyłosia ŭ paniadziełak, 25 maja.
Advakaty Olmierta zajavili, što abskardziać rašeńnie suda.
Echud Olmiert byŭ vymušany padać u adstaŭku ŭ pačatku 2009 hoda na fonie hučnych karupcyjnych skandałaŭ. Sudovyja raźbiralnictvy pa niekalkich karupcyjnych spravach, u centry jakich apynuŭsia eks-premjer, praciahvajucca pa hety dzień.