 |
Udzielniki akcyi, jakaja prachodziła pad łozunham «Padorym serca horadu Minsku», sabralisia ŭ 17.30 na pierakryžavańni vulic Jakuba Kołasa i Surhanava. Kala 30 členaŭ BRSM vykłali na abočynie simvaličnaje serca z 300 zapalenych śviečak. Maładyja ludzi taksama razdavali prachožym «valancinki» z nadpisam «Minsk. 940».
«Nam nie pašancavała z nadvorjem — pačałasia śniežnaja bura. Ale niahledziačy na heta, akcyja ŭsio ž adbyłasia», — prakamienciravaŭ BiełaPAN mierapryjemstva adzin ź jaho arhanizataraŭ, sakratar minskaj arhanizacyi BRSM Dzianis Prochar. Jon taksama paviedamiŭ, što siońnia aktyvisty arhanizacyi naviedali dziciačyja damy, prytułki, balnicy, dzie vystupali z kancertami i daryli dzieciam łasunki.
Pavodle słoŭ D.Prochara, u bližejšych płanach staličnaj arhanizacyi BRSM — praviadzieńnie 23 lutaha akcyi z nahody Dnia abaronca Ajčyny, padčas jakoj płanujecca pavinšavać vieteranaŭ Vialikaj Ajčynnaj vajny.
