Heta praduhledžana dekretam numar 4, jaki kiraŭnik dziaržavy Alaksandr Łukašenka padpisaŭ 2 červienia, paviedamili ŭ pres-słužbie biełaruskaha lidara.
Dekretam numar 4 unosiacca źmianieńni i dapaŭnieńni ŭ dekret prezidenta Respubliki Biełaruś ad 26 studzienia 1999 hoda numar 2 «Ab niekatorych mierach pa ŭparadkavańni dziejnaści palityčnych partyj, prafiesijnych sajuzaŭ, inšych hramadskich abjadnańniaŭ».
Dakumient raspracavany z ulikam pravaprymianialnaj praktyki i intaresaŭ prafiesijnych sajuzaŭ. Dziejučyja pravavyja normy pryvodziacca ŭ adpaviednaść z realnymi ŭmovami stvareńnia i dziejnaści prafiesijnych sajuzaŭ. Tak, vyklučajecca pałažeńnie ab nieabchodnaści najaŭnaści nie mienš jak 10 pracentaŭ rabotnikaŭ (navučencaŭ) ad ich ahulnaj kolkaści na pradpryjemstvie, va ŭstanovie, arhanizacyi dla stvareńnia i dziejnaści tam prafsajuza.
Akramia taho, pryviedzieny ŭ adpaviednaść ź dziejučym zakanadaŭstvam asobnyja pradpisańni Pałažeńnia ab dziaržaŭnaj rehistracyi (pierarehistracyi) prafiesijnych sajuzaŭ i ich sajuzaŭ (asacyjacyj).
Uniesienyja źmianieńni stvarajuć bolš spryjalnyja ŭmovy dla dziejnaści prafsajuzaŭ, realizacyi i abarony sacyjalna-pracoŭnych pravoŭ i intaresaŭ rabotnikaŭ.
Dekret numar 4 ustupaje ŭ siłu paśla jaho aficyjnaha apublikavańnia.
