Supracoŭnikami darožna-patrulnaj słužby adździeła DAI Kastryčnickaha RUUS Minska zatrymany kiroŭca, jaki kiravaŭ aŭtamašynaj u niećviarozym stanie.
Jak paviedamlaje HUUS Minharvykankama, prykładna a treciaj hadzinie nočy 9 červienia ŭvahu inśpiektaraŭ pryciahnuŭ «Piežo», jaki ruchaŭsia pa vulicy Kižavatava ź jaŭnym pieravyšeńniem chutkaści. Zakonnyja patrabavańni ab spynieńni kiroŭca praihnaravaŭ, pasprabavaŭšy ŭciačy na vysokaj chutkaści. Pačaŭsia pieraśled.
«Na asobnych učastkach darohi kiroŭca raźvivaŭ na svaim aŭtamabili chutkaść bolšuju za 180 km/h. Na ščaście, ludziej i inšych transpartnych srodkaŭ u hety čas było mała, tamu nichto nie paciarpieŭ», — skazaŭ staršy inśpiektar adździeła Dziaržaŭtainśpiekcyi Kastryčnickaha RUUS Pavieł Zajac.
Na 15-m kiłamietry Słuckaj šašy niećviarozy kiroŭca nie spraviŭsia z kiravańniem. Aŭtamabil źjechaŭ u kiuviet i pierakuliŭsia. Kiroŭca nie paciarpieŭ.
Pry ahladzie zatrymanaha było ŭstanoŭlena, što ŭtrymańnie paroŭ ałkaholu ŭ vydychanym im pavietry składaje pryblizna 1,6 pramile. Jak vyśvietliłasia, 24-hadovy minčanin raniej užo pryciahvaŭsia da administracyjnaj adkaznaści za kiravańnie transpartnym srodkam u stanie ałkaholnaha apjanieńnia.
Dziejańniam zatrymanaha dajecca pravavaja acenka.