U Minsku na vulicy Aeradromnaj kala 12:30 adbyłosia žorstkaja avaryja: Audi Q7 źbiŭ viełasipiedystku.
Pavodle DAI, 64-hadovaja viełasipiedystka jechała pa prajeznaj častcy ŭ krajniaj pravaj pałasie ŭ sustrečnym nakirunku. Pierad joj spyniŭsia aŭtobus, i, kab jaho abjechać, jana vyjechała ŭ druhuju pałasu sprava. U hety momant 38-hadovy mužčyna na Audi Q7 ažyćciaŭlaŭ pierastrajeńnie ŭ krajni pravy šerah, dzie i adbyłosia sutyknieńnie.
Momant avaryi trapiŭ na videarehistratar aŭtobusa.
Uvaha! Žorstkaje videa! Nie rekamiendujecca dla prahladu ŭražlivym asobam.
Paciarpiełaja dastaŭlenaja ŭ reanimacyju.
Pavodle PDR, ruch na viełasipiedzie ažyćciaŭlacca pa viełasipiednaj darožcy, a pry jaje adsutnaści — pa abočynie, tratuary abo piešachodnaj darožcy, bieź pieraškody dla biaśpiečnaha ruchu piešachodaŭ. Pry adsutnaści hetych elemientaŭ darohi dapuskajecca ruch viełasipiedystaŭ u krajniaj pravaj pałasie prajeznaj častki, ale ŭ adnym kirunku z aŭtamabilistami, a nie nasustrač.
