Microsoft Word, Excel i Powerpoint dla Android vyjšli sa stadyi testu i ciapier dastupnyja dla nie tolki płanšetaŭ, ale i smartfonaŭ. Biaspłatnaja viersija dazvalaje čytać, stvarać i redahavać teksty, tablicy i prezientacyi, u tym liku adnačasova ź inšym karystalnikam.
Biaspłatny ofis zapuścicca na luboj pryładzie z Andoid 4.4 i naviejšymi viersijami dy 1 Hb apieratyŭnaj pamiaci i bolš. Praŭda, dla płanšetaŭ z dyjahanalami bolš za 10,1 calaŭ ofis budzie płatnym.
Kab skarystacca ofisam, pryjdziecca ŭvajści pad biaspłatnym akaŭntam Microsoft. Padpisantam płatnych servisaŭ Office 365 dastanucca bolš šyrokija mahčymaści.
Biaspłatnyja anałahi ofisnych prahram Microsoft maje i Google: Docs, Sheets, Slides. Taksama ŭ Play Store jość bahata płatnych i biaspłatnych ofisnych prahram inšych raspracoŭščykaŭ.
Čytajcie taksama: Microsoft dała biaspłatna pasprabavać Office 2016
