Čornaja dzira i zorka-kampańjon va ŭjaŭleńni mastaka. Vyjava: ESA/ATG medialab
Čornaja dzira ŭ dvajnoj sistemie V404 Lebiedzia, što ŭ 8 tysiačach śvietłavych hod ad nas, prabudziłasia paśla 26 hod «maŭčańnia», paviedamlaje sajt Jeŭrapiejskaha kaśmičnaha ahienctva. Niezvyčajnuju aktyŭnaść zaŭvažyŭ spadarožnik JEKA «Intehrał».
Pavodziny čornaj dziry niepradkazalnyja, blask mianiajecca ź jaskravymi społachami štohadzinu. U renthienaŭskim dyjapazonie sistema stała samym jaskravym abjektam na niebie.
Pavyšanaja aktyŭnaść nie ścichaje z 15 červienia.
U sistemu razam z čornaj dziroj uvachodzić zorka-kampańjon, jakuju čornaja dzira pastupova pahłynaje. Uspyški aktyŭnaści mohuć być źviazanyja z zaciahvańniem rečyva zorki ŭ čornuju dziru. Padobnyja pavodziny za V404 Lebiedzia zaŭvažanyja ŭ archiŭnych źviestkach aptyčnych teleskopaŭ 1938 i 1956 hadoŭ.
Padvyšeńnie aktyŭnaści V404 Lebiedzia ŭ 1989 hodzie niamała raspaviało navukoŭcam pra pryrodu čornych dzir — astrafizikam viadoma niašmat sistem z čornaj dziry i zorki-kampańjona. Ciapierašniaja ŭspyška aktyŭnaści nazirajecca u renthienaŭskim, bačnym i radyjodyjapazonie dziasiatkami astranomaŭ pa ŭsim śviecie — jość spadzieŭ na značnyja adkryćci.
Čytajcie taksama: U centry Mlečnaha Šlachu adbyŭsia najbujniejšy vykid z čornaj dziry
