Nahadajem, što paśla adboru z 17 kandydataŭ na litaraturnuju premiju pretendavali dźvie knihi: Siarhieja Chareŭskaha «Historyja mastactva i dojlidztva Biełarusi» dy Sieviaryna Kviatkoŭskaha «Fraški da plaški». Kab vyznačycca ź pieramožcam, Adam Hłobus pravioŭ internet‑apytańnie, adnak i ŭ siecivie hałasy padzialilisia amal paroŭnu.
»Jak i zaŭsiody, prablema ŭźnikaje nia z tymi, chto vyjhraŭ, a z tymi, chto prajhraŭ, piša Hłobus u svaim sieciŭnym dziońniku, — Škada prajhraŭšych, a taho, chto vyjhraŭ my prosta vinšujem, chavajučy ŭ bukietach i padarunkach ułasnuju zajzdraść. Dvudušnaść biełarusa ŭ dadzienaj sytuacyi dazvalaje zrabić vyjhryš krychu mienš uračystym, a projhryš bolš sałodkim. Možna prosta padzialić usie bukiety i padarunki pamiž udzielnikami hulni, a možna pavialičyć kolkaść darunkaŭ. Jašče možna prajavić volu i abviaścić słabiejšaha macniejšym. Z usich varyjantaŭ ja abiraju najpraściejšy dla siabie: pavialičvaju pamier premii ŭdvaja».
Takim čynam, abodva kandydaty atrymajuć roŭnuju ŭznaharodu ŭ poŭnym pamiery.