Na prastorach «UKantakcie» jość supołka «Padsłuchana fłety Minsk», kudy minskaja moładź zalivaje foty i videa z t.zv. «fłetaŭ» — masavych papojek z małaznajomymi ludźmi.
«Naša Niva» adabrała trendavyja karcinki, kab u čytača skłałasia razumieńnie, čym siońnia modna hanarycca ŭ niekatorych moładzievych kołach.
Azin z trendaŭ — heta fota ŭ baćkoŭskaj milicyjskaj formie. Aŭtary, nie chavajučy tvaraŭ, vykładvajuć takija vyjavy ŭ ahulny dostup, imavierna, nie viedajučy pra najaŭnaść u Administratyŭnym kodeksie Biełarusi artykuła, jaki praduhledžvaje adkaznaść za našeńnie formy biez prava na toje.
Hetaje fota ananimny aŭtar supravadziŭ podpisam «Kakaja vpiska biez musorov)».
Panty školnikaŭ daražejšyja za honar baćkoŭskaha mundziru.
Taksama u internet vykładvajuć «čarnuchu», jakuju aŭtary vyrablajuć spjanu. Bolšaść takich fatazdymkaŭ «NN» nie moža apublikavać z etyčnych pohladaŭ.
«Adzin ja na «upiscy» lublu sikać z voknaŭ?», — zadajecca pytańniem aŭtar hetaha fota.
Nastupnaja płynia ŭ fota z «fłetaŭ» — heta ździek z pjanych tavaryšaŭ, što akazalisia słabymi da vypiŭki i zasnuli raniej za ŭsich. Sełfi na ich fonie taksama modna: zaśpieŭ siabra biez štanoŭ na ŭnitazie — chutčej zalivać u internet.
Darečy, zvyčajna ŭ kamientach možna ź lohkaściu adšukać spasyłki na staronki «hierojaŭ».
Nu i viadoma, udzielniki supołki chvalacca kolkaściu nabytych i vypitych litraŭ. Časam da hetaha dadajecca raspovied pra intymnyja ci inšyja pryhody na fłecie. My nie budziem heta pieradrukoŭvać.
Praz sacsietki taki ład žyćcia robicca modnym — na siońnia ŭ supołcy «Padsłuchana fłety Minsk» bolš za siem tysiač padpisantaŭ. Tracina ź ich — dziaŭčaty, a pałovie padpisantaŭ jašče niama 20 hod.
Viadoma, što «buchać» kampanijami dla moładzi — reč nie novaja, ale fiksavać hety soram i vynosić jaho ŭ ludzi — trend apošniaha času.
