Sustaršyni Ahulnanacyjanalnaha arhkamitetu pa śviatkavańni 90‑ch uhodkaŭ BNR ‑‑ Hienadź Buraŭkin, Radzim Harecki, Alaksiej Maračkin ‑‑ padali zajavu staršyni Mienharvykankamu Michaiłu Paŭłavu.
U zajavie havorycca pra nieabchodnaść memaryjalizacyi miaścin, źviazanych z utvareńniem u 1918 h. Biełaruskaj Narodnaj Respubliki, abviaščeńnie niezaležnaści jakoj stała zakanamiernym etapam u raźvićci nacyjanalna‑vyzvolnaha ruchu ŭ Biełarusi napačatku XX st, paviedamlaje pres-słužba ZBS "Baćkaŭščyna".
Arhkamitet prapanuje ŭstalavać pamiatnyja šyldy ŭ nastupnych miescach:
na budynku Teatru imia Janki Kupały, dzie ŭ śniežni 1917 hoda prachodziŭ Usiebiełaruski Kanhres;
na budynku siońniašniaha Muzyčnaha liceju (pł. Voli, 7), dzie ŭ lutym 1918 h. u byłoj rezydencyi rasiejskich hubernataraŭ była pryniataja Pieršaja Ustaŭnaja hramata BNR;
na budynku pa siońniašnim adrasie (vuł. Vaładarskaha, 9), dzie 25 sakavika 1918 h. Radaj BNR była pryniataja Treciaja Ustaŭnaja hramata;
na budynku Respublikanskaha domu pracaŭnikoŭ mastactva (siońnia praspekt Niezaležnaści, 26 — były Jubilejny dom), dzie z 17 žniŭnia 1918 h. pracavała Rada BNR.
U vypadku admovy z boku dziaržaŭnych orhanaŭ, Arhkamitet hatovy raspačać zbor podpisaŭ hramadzian u padtrymku inicyjatyvy.
