Prezident Rasii Uładzimir Pucin upieršyniu za dva miesiacy pravioŭ telefonnyja pieramovy z francuzskim kaleham Fransua Alandam i kancleram Hiermanii Anhiełaj Mierkiel, abmierkavaŭšy režym zachavańnia pieramirja ŭ Danbasie. Paviedamleńnie pra heta źjaviłasia na sajcie Kramla ŭ subotu, 29 žniŭnia.
Pucin vykazaŭ zaniepakojenaść abstrełaŭ nasielenych punktaŭ Danbasa z boku ŭkrainskich vajskoŭcaŭ. Taksama jon adznačyŭ fakt naroščvańnia uzbrojenych sił Ukrainy ŭzdoŭž raźmiežavalnaj linii.
Mierkiel i Aland, u svaju čarhu, jak paviedamlaje pres-słužba ŭrada Hiermanii, skazali, što vybary ŭ samaabvieščanych respublikach mohuć stać pahrozaj dla mirnaha pracesu, bo jany nie buduć adpaviadać zakonam Ukrainy.
Apošni raz telefonnyja pieramovy Pucina, Mierkiel i Alanda prajšli 22 červienia, lidary taksama abmiarkoŭvali situacyju na ŭschodzie Ukrainy i zachavańnie Minskich pahadnieńniaŭ.
