Ź siońniašniaha dnia pasažyry «Biełavija» mohuć nabyć avijabilety na sajcie booking.belavia.by u kredyt, paviedamlaje sajt kampanii.
«Naša kampanija pieršaja ŭ turystyčnym biźniesie Biełarusi zapuściła takuju pasłuhu. My spadziajemsia, što pasažyry aceniać dadzieny servis i buduć aktyŭna jaho vykarystoŭvać», — prakamientavaŭ namieśnik hienieralnaha dyrektara pa markietynhu i źniešnieekanamičnaj dziejnaści AAT« Avijakampanija «Biełavija» Ihar Čarhiniec.
Opcyja «Aformić kredyt» budzie dastupnaja na kvitki, jakija ŭdzielničajuć u akcyjach, a taksama tolki na ŭłasnyja rejsy avijakampanii. Abaviazkovyja ŭmovy vykarystańnia anłajn-kredytavańnia — čas da vyletu nie mienš 3 sutak, a taksama ruskaja abo biełaruskaja mova sajta.
Kredyt dajecca pad 42% hadavych.