Pres-słužba kiraŭnika Biełarusi pakul nie kamientuje infarmacyju ab mahčymym vizicie Łukašenki ŭ Lvoŭ 5 vieraśnia, paviedamlaje BiełaPAN.
Nahadajem, što siońnia ranicaj ukrainski UNIAN paviedamiŭ, što ŭ Lvovie 5 vieraśnia čakajuć prezidentaŭ Piatra Parašenku i Alaksandra Łukašenku na futbolnym matčy Ukraina — Biełaruś, što projdzie ŭ ramkach adboračnaha etapu Jeŭra-2016.
UNIAN spasłaŭsia na infarmacyju čynoŭnika abłasnoj Lvoŭskaj administracyi, zaznačyŭšy, što ciapier praciahvajecca ŭzhadnieńnie abodvuma bakami mahčymaści vizitu.
U svaju čarhu pres-sakratar hramadskaj rady pry HU MUS Ukrainy ŭ Lvoŭskaj vobłaści Aleh Pilipienka paviedamiŭ žurnalistam, što matč Ukrainy i Biełarusi naviedajuć prezidenty abiedźviuch krain. «Pakul hetaja infarmacyja nieaficyjnaja», — skazaŭ Pilipienka.
9 žniŭnia haradski hałava Lvova Andrej Sadovy padčas znachodžańnia ŭ Kijevie z rabočaj pajezdkaj źviarnuŭsia da Parašenki ź inicyjatyvaj zaprasić Łukašenku ŭ Lvoŭ na matč.
