Premjer-ministr Rasii Dźmitryj Miadźviedzieŭ prapanuje ŭvieści adzinuju vizu Sajuznaj dziaržavy. Z takoj inicyjatyvaj jon vystupiŭ siońnia ŭ Maskvie na pasiadžeńni Savieta Ministraŭ Sajuznaj dziaržavy.
Rasijski premjer adznačyŭ, što na paradku dnia pasiadžeńnia značycca padviadzieńnie pramiežkavych vynikaŭ pa farmiravańni adzinaj mihracyjnaj prastory Biełarusi i Rasii. Jon adznačyŭ, što dla hramadzian dźviuch krain takaja prastora faktyčna sfarmiravana i nastupny nieabchodny krok — ukaranieńnie adzinaj vizy Sajuznaj dziaržavy.
«Dumaju, my całkam možam na heta pajści», — zajaviŭ premjer-ministr Rasii.
Akramia hetaha, na dumku Miadźviedzieva, Rasii i Biełarusi patrabujecca aktyŭnaja sumiesnaja praca słužbaŭ pa procistajańni nielehalnaj mihracyi. «Našy hramadzianie pa ŭnutranych dakumientach bieśpieraškodna pieramiaščajucca pa terytoryjach unutry Sajuznaj dziaržavy biez prachodžańnia mytnaha i pahraničnaha kantrolu. Pry hetym dla spynieńnia nielehalnaj mihracyi z trecich krain patrabujecca aktyŭnaja sumiesnaja praca profilnych słužbaŭ, adładžany infarmacyjny abmien, — skazaŭ Miadźviedzieŭ. — Inakš potym my možam sutyknucca ź vielmi niečakanymi nastupstvami».