Byłoha desantnika, jaki zhvałciŭ dziaŭčynu ŭ minułym hodzie na dzień PDV, prysudzili da vaśmi z pałovaj hadoŭ pazbaŭleńnia voli.
Hrodzieniec paśla taho, jak adznačyŭ prafiesijnaje śviata, nočču napaŭ na dziaŭčynu kala kaviarni na vulicy Davatara. Taja nie razhubiłasia i dała adpor pjanamu chłopcu. Praŭda, jamu ŭsio ž taki ŭdałosia adabrać u jaje mabilnik i ŭciačy. Na hetym małady čałaviek nie supakoiŭsia. Na susiedniaj vulicy jon nakinuŭsia na inšuju dziaŭčynu i zhvałciŭ jaje. Złačynca praktyčna adrazu zatrymali.
Jamu 21 hod, raniej jon nie byŭ sudzimy, nie žanaty, pracavaŭ zvarščykam. Za zhvałtavańnie i rabavańnie jaho prysudzili da vaśmi z pałovaj hadoŭ pazbaŭleńnia voli ŭ kałonii ŭzmocnienaha režymu. Prysud ustupiŭ u zakonnuju siłu, prainfarmavaŭ sudździa suda Leninskaha rajona Hrodna Dźmitryj Bubienčyk.
