Matč baskietbolnaha turniru Adzinaja liha VTB «Cmoki-Minsk» z «Krasnym Akciabrom» (Vałhahrad), jaki pieršapačatkova byŭ pryznačany na subotu i mieŭ haściavy status, adbudziecca 31 kastryčnika na «Minsk-Arenie» i pačniecca a 17.00, paviedamlaje aficyjny sajt biełaruskaha kłuba.
Pieranos matču ŭ biełaruskuju stalicu źviazany z tym, što rašeńniem dyrektarata lihi arena «stalevaraŭ» dyskvalifikavanaja ŭ suviazi ź niedastatkovaj umiaščalnaściu i niemahčymaściu arhanizavać televizijnuju tranślacyju.
***
Adzinaja liha VTB — baskietbolny turnir z udziełam 16 kamandaŭ (9 z Rasii, pa adnoj ź Biełarusi, Finlandyi, Estonii, Łatvii, Čechii, Hruzii i Kazachstana), što hulajuć pamiž saboj u dva koły (usiaho 30 matčaŭ). Letaś minčuki finišavali na 15-m miescy.
«Cmoki» ŭ sioletnim siezonie praviali čatyry matčy: u troch pieramahli (pryčym usie ŭ haściach) i ŭ adnym prajhrali (doma «Zienitu»). U minskaha kłuba — 7-je miesca ŭ turnirnaj tablicy. «Krasny Akciabr» z adnoj pieramohaj i čatyrma parazami zajmaje 13-y radok.
