Deputat Jeŭraparłamienta, člen italjanskaj pravaj partyi «Liha Poŭnačy» Džanłuka Buonana aštrafavany na try tysiačy dalaraŭ i adchileny ad pracy ŭ parłamiencie na 10 dzion za vystup u futbołcy z vyjavaj Anhieły Mierkiel u vobrazie Adolfa Hitlera.
U pačatku kastryčnika, vystupajučy z trybuny Jeŭraparłamienta padčas debataŭ pra los kampanii Volkswagen, Buonana sa słovami «A ci viedała spadarynia Mierkiel ab tym, što adbyvajecca ŭ kampanii?» sarvaŭ ź siabie švedar, pad jakim była futbołka z vyjavaj Mierkiel z karotkimi čornymi vusami. Paźniej deputat jašče raz zrabiŭ paraŭnańnie: pryjšoŭ na teledebaty ź Mierkiel u nakładnych vusach i ŭskinuŭ ruku ŭ nacysckim pryvitańni.
«Try tysiačy dalaraŭ štrafu i adchileńnie na dziesiać dzion. Takaja niamieckaja demakratyja», — napisaŭ deputat na svajoj staroncy ŭ fejsbuku.
Členy pravaj italjanskaj partyi «Liha poŭnačy» viadomyja svaimi skandalnymi vystupami. U 2013 hodzie svaju pasadu vymušany byŭ pakinuć sienatar ad partyi Rabierta Kalderoli, jaki paraŭnaŭ čarnaskuruju ministra intehracyi Siesil Kjenh z aranhutanam.
