Fota AFP
Pieramovy lidaraŭ hrupoŭki «Isłamskaja dziaržava» u siryjskim horadzie Raka i ich sajuźnikaŭ na Sinajskim paŭvostravie śviedčać pra dačynieńnie bajevikoŭ da krušeńnia rasijskaha A321 «Kahałymavija». Jak raspaviali NBC nienazvanyja amierykanskija čynoŭniki, u svajoj razmovie isłamisty chvalilisia dačynieńniem da katastrofy.
«Jany vielmi vyrazna śviatkavali», — raspavioŭ adzin z surazmoŭcaŭ kanała (cytata pavodle Reuters). Jon adznačyŭ, što ŭ razmovie zhadvalisia detali, jakija tyčacca vybuchu samalota. Bajeviki taksama abmierkavali, jak mienavita im udałosia arhanizavać katastrofu.
Raniej The Times paviedamlała pra toje, što brytanskaja i amierykanskaja vyviedka pierachapiła pieramovy sinajskaj hrupoŭki, źviazanaj ź ID. U elektronnych paviedamleńniach havaryłasia pra toje, što na bort łajniera było praniesienaje vybuchovaje prystasavańnie.
31 kastryčnika samalot avijakampanii «Kahałymavija», jaki ładziŭ rejs pa maršrucie Šarm-el-Šejch — Sankt-Pieciarburh, raźbiŭsia na Sinajskim paŭvostravie praz 23 chviliny paśla ŭźlotu. Na jaho borcie znachodzilisia 224 čałavieki, 217 pasažyraŭ i siem členaŭ ekipaža, usie jany zahinuli.
Paśla katastrofy pradstaŭniki «Isłamskaj dziaržavy» dvojčy zajaŭlali pra svajo dačynieńnie da katatsrofy. Ale rasijskija ŭłady vyklučali padobnuju viersiju.
