Biełarusy vyvieli «Manreal Kanadyjens» u Kubak Stenli

Kaścicyn zakidvaje šajbu. Fota nhl.com

Siońnia ŭnačy manrealski klub pierajhraŭ «Atavu Senatarz» ź likam 7:5 (3:0, 4:1, 0:4), i za piać turaŭ da finišu rehularnaha čempijanatu harantavaŭ sabie pucioŭku u Kubak Stenli. Niakiepski padarunak biełaruskim zaŭziataram da Dnia voli.

Pakazalna, što troje biełarusaŭ paŭdzielničali ŭ pieramozie kvebekskaj kamandy. Andrej Kaścicyn adkryŭ lik užo na druhoj chvilinie sustrečy, jon ža zakinuŭ treciuju šajbu svajoj kamandy. Šostuju šajbu 24‑razovaha ŭładalnika Kubku Stenli zakinuŭ Michaił Hraboŭski, a asystavaŭ jamu Siarhiej Kaścicyn. Andrej Kaścicyn pryznany pieršaj zorkaj matču.

«Manreal Kanadyjens» praciahvaje trymać pieršaje miesca va Ŭschodniaj kanferencyi, majučy na rachunku 96 bałaŭ. Klubu zastałosia pravieści piać hulniaŭ: pa dva matčy z "Bafała Sejbrz" i "Taronta Mejpł Lifz", a taksama jašče adzin matč z "Atavaj".

Nastupny matč -- 28 sakavika.

Rehularny sezon skančajecca 5 krasavika. Praz tydzień paśla hetaha startuje płej-of najprestyžnaha Kubku Stenli.

Praciahvajecca zmahacca za miesca ŭ płej-of "Kałarada Evełanš", za jaki vystupaje Rusłan Salej. Siońnia "łaviny" pieramahli "Kałhary Fłejmz" ź likam 2:0. U "Kałarada" ciapier na rachunku 86 punktaŭ, vośmaje miesca ŭ Zachodniaj kanferencyi. Klub na try punkty apiaredžvaje "Edmantan", što zajmaje 9-je miesca.

26 sakavika "Kałarada" zhulaje z "Vankuver Kenaks".

Uł. inf.

0

0

0

0

0

0