U noč na subotu pačałosia papiaredniaje testavańnie novaj kryptavaluty, jakuju možna zarablać chodziačy.
Mabilny dadatak pad nazvaj Bitwalking zaličvaje kryptavalutu na rachunak karystalnika, hruntujučysia na dadzienych z krokamiera jaho smartfona abo fitnies-branzaleta.
Na momant pačatku testavańnia adna adzinka valuty — Bitwalk-dalar — zaličvajecca na rachunak za kožnyja 10 tys. krokaŭ. Klijenty zmohuć patracić hetyja hrošy ŭ anłajn-kramie ci abnajavić.
Tak jak aficyjnaha zapusku valuty jašče nie adbyłosia, kursu ŭ jaje pakul niama.
Prajekt užo pryciahnuŭ inviestycyi ŭ pamiery bolš za 10 młn dalaraŭ. Bolšaja častka inviestaraŭ - japonskija kampanii.
Stvaralniki prajekta, brytancy Nisan Bachar i Frenki Imbiesi, u budučyni raźličvajuć na partniorstva z vytvorcami spartyŭnych tavaraŭ i spadziajucca, što ich dadatak dapamoža raźvitym krainam.
Bitwalking pačaŭ pracu ŭ abmiežavanaj kolkaści krain, u asnoŭnym afrykanskich. Pavodle zadumy stvaralnikaŭ, u raźvitych krainach radavy karystalnik budzie zarablać kala 15 kryptadalaraŭ u miesiac, a ŭ biednych — prykładna ŭ dva razy bolš.
