U Minsku praciahvajecca hramadskaje abmierkavańnie zabudovy rajona byłoj vioski Viaśninka, dzie za apošnija hady palityčnaj elicie razdali niekalki dziasiatkaŭ nadziełaŭ pad budaŭnictva pryvatnych damoŭ. Hety rajon atrymaŭ nieaficyjnuju nazvu «Drazdy-2».
Asnoŭnuju ŭvahu raspracoŭščyki prajekta detalnaha płanavańnia nadzialajuć sacyjalna-zabaŭlalnym abjektam – hatelu, tenisnamu centru, Centru mastackaj himnastyki…
Adnak nasielnictva cikavicca nie hetym. U «Drazdach-2» zapłanavanyja novyja ŭčastki pad budaŭnictva. Tamu haradžanie, čyje damy iduć pad znos, prosiać vydzielić im hetu ziamlu ŭ jakaści kampiensacyi.
«Naša Niva» praanalizavała raniejšuju kartu zabudovu i tuju, jakaja, najchutčej, budzie pryniata pa vynikach hramadskaha abmierkavańnia niahledziačy na abureńnie hramadzianaŭ.
Pavodle dakumienta, praduhledžana stvareńnie piaci novych učastkaŭ pad katedžy, adzin ź ich – na bierazie vadaschovišča.
Chto atrymaje mahčymaść pabudavać katedžy?
«Jany ŭžo raźmierkavanyja i aformlenyja», — patłumačyła pradstaŭnica «Minskhrada» Volha Fiłatava, adkazvajučy na pytańnie pra ŭčastki, sprajektavanyja ŭ «Drazdach-2».
Takim čynam, minčuki, čyje pryvatnyja damy iduć pad znos, nie zmohuć pretendavać na miesca ŭ Viaśnincy.
Biez elitnaj nieruchomaści ŭ Drazdach pakul zastajucca staršynia Minharvykankama Andrej Šorac, staršynia Minabłvykankama Siamion Šapira, staršynia Śledčaha kamiteta Ivan Naskievič, ministr justycyi Aleh Śližeŭski, ministr infarmacyi Lilija Ananič i niekatoryja inšyja vysokija čynoŭniki.
* * *
Čytajcie taksama:
Ad Abielskaj da Jarmošynaj: uładalniki katedžaŭ u Drazdach, poŭny śpis
