Jeŭrakamisija ŭchvaliła pakiet mier pa baraćbie z teraryzmam i nielehalnym handlem ahniastrelnaj zbrojaj i vybuchovymi rečyvami ŭ krainach Jeŭrasajuza, paviedamlajuć infarmahienctvy sa spasyłkaj na pres-słužbu JEK.
Pakiet mier uklučaje ŭ siabie dva asnoŭnyja elemienty: dyrektyvu ab baraćbie z teraryzmam, jakaja ŭzmocnić mahčymaści ES pa praduchileńni terarystyčnych aktaŭ, i płan dziejańniaŭ pa praduchileńni traplańnia ŭ ruki terarystaŭ zbroi i vybuchovych rečyvaŭ z dapamohaj uzmacnieńnia kantrolu za ich niezakonnym vałodańniem i impartam u ES.
Jeŭrakamisija taksama prapanavała ŭzmacnić supracoŭnictva z krainami Zachodnich Bałkanaŭ, Blizkaha Ŭschodu, Paŭnočnaj Afryki, a taksama z Turcyjaj i Ukrainaj u metach baraćby ź nielehalnym handlem ahniastrelnaj zbrojaj i vybuchovymi rečyvami i raskryćcia terarystyčnych sietak.
Pytańnie ab uzmacnieńni mier pa baraćbie z teraryzmam było ŭźniataje ŭ ES paśla sieryi teraktaŭ u Paryžy 13 listapada.
