U dačynieńni da šerahu jeŭrapiejskich palitykaŭ raspačatyja kryminalnyja spravy z-za vizitaŭ u akupavany Krym. Pra heta zajaviŭ ministr zamiežnych spraŭ Ukrainy Pavieł Klimkin padčas publičnaj spravazdačy, pieradaje «112 Ukraina».
«Pa pradstaŭleńni MZS kampietentnymi orhanami Ukrainy raspačatyja kryminalnyja spravy ŭ dačynieńni da niekatorych jeŭrapiejskich palitykaŭ, jakija parušyli paradak ujezdu na akupavanuju terytoryju», — skazaŭ jon.
23-24 lipienia Krym naviedała hrupa francuzskich parłamientaryjaŭ na čale z sustaršynioj arhanizacyi «Franka-rasijski dyjałoh» Ćjery Maryjani. Svoj vizit jany nie ŭzhadnili z Ukrainaj, a MZS Francyi vystupiŭ suprać pajezdki.
U MZS Ukrainy asudzili pajezdku hrupy francuzskich deputataŭ u akupavany Krym i adznačyli, što ŭkrainski bok u dalejšym moža zabaranić ujezd na terytoryju krainy tym deputatam, jakija naviedajuć paŭvostraŭ. U Jeŭrapiejskim parłamiencie taksama asudzili vizit francuzskich pradstaŭnikoŭ.
Akramia taho, u kastryčniku ŭ akupavany Krym prybyła delehacyja sierbskich palitykaŭ.
