Kajli Minoŭh vypuściła śviatočny klip, pryśviečany Rastvu, adnu z hałoŭnych rolaŭ u jakim vykanaŭ jaje bojfrend, 27-hadovy Džošua Sas. Pieśnia «Every Day's Like Christmas» uvachodzić u novy albom śpiavački «Kylie Christmas», jaki znachodzicca ŭ volnym dostupie ŭ internecie.
Pa siužecie klipa, Kajli i Džošua ŭpryhožvajuć jołku, sustrakajuć siabroŭ, viesialacca i radujucca žyćciu. Prychilniki pary paśpieli adznačyć, što ŭ roliku pavodziny zakachanych vyhladajuć naturalna: jany prosta atrymlivajuć asałodu ad praviedzienaha razam času, a nie vykonvajuć roli. Taksama fanaty čakajuć, što para źjavicca razam 11 śniežnia ŭ Royal Albert Hall, dzie Minoŭh daść solny kancert u padtrymku svajho novaha alboma.
Nahadajem, 47-hadovaja Kajli Minoŭh i Džošua Sas paznajomilisia letam padčas zdymak stužki «Hałavant». U listapadzie para była zaŭvažanaja na adnym sa spartyŭnych mierapryjemstvaŭ. Tady žurnalisty adznačali piaščotu, ź jakoj Džošua stavicca da svajoj kachanaj. Małady čałaviek pastajanna abdymaŭ Kajli, dapamahaŭ joj apranuć palito i ni na chvilinu ad jaje nie adychodziŭ. Nieŭzabavie paśla hetaha Minoŭh aficyjna paćvierdziła, što jany z Džošua sustrakajucca. Śpiavačka adznačyła, što, jak by jana ni starałasia vyhladać spakojnaj, usie vakoł zaŭvažajuć, što jana niejmavierna ščaślivaja.
