U Kramli nie ŭdakładniajuć, ci budzie padpisany rasijska-biełaruski dahavor ab vajennaj bazie padčas pieramoŭ prezidentaŭ Rasii i Biełarusi Uładzimira Pucina i Alaksandra Łukašenki 15 śniežnia ŭ Maskvie.
«Napeŭna pytańni, źviazanyja z vajenna-techničnym supracoŭnictvam, buduć fihuravać u zaŭtrašnim paradku dnia ŭ Kramli», — cytuje TASS pres-sakratara kiraŭnika rasijskaj dziaržavy Dźmitryja Piaskova, jaki takim čynam adkazaŭ na pytańnie žurnalistaŭ, ci buduć Pucin i Łukašenka abmiarkoŭvać stvareńnie rasijskaj bazy ŭ Biełarusi.
U vieraśni Pucin rasparadziŭsia padpisać pahadnieńnie ab rasijskaj avijacyjnaj bazie na terytoryi Biełarusi.
Praź niekalki tydniaŭ Łukašenka zajaviŭ, što havorki ab raźmiaščeńni rasijskaj avijabazy na terytoryi Biełarusi nikoli nie było. Paźniej jon nie adnojčy zakranaŭ hetuju temu, štoraz padkreślivajučy, što rasijskaja avijabaza ŭ Biełarusi nie patrebnaja.
