Hałandski futbolny trenier Hus Chidynk prybyŭ u Łondan na pieramovy z kiraŭnictvam «Čełsi», jakija zastalisia biez nastaŭnika paśla skasavańnia kantraktu z Žaze Maŭryńju.
Getty
U vypadku pośpiechu pieramovaŭ Chidynk uznačalić kłub na časovaj asnovie. Jak stała viadoma Bi-bi-si, abmierkavańnie finansavych umoŭ trenier pakinuŭ svaim pamočnikam, a sam nadaje asnoŭnuju ŭvahu turnirnym zadačam i spartyŭnym aśpiektam svajoj pracy.
Pra skasavańnie kantraktu z Žaze Maŭryńju «Čełsi» abviaściŭ 17 śniežnia. U paviedamleńni havaryłasia, što na taki krok baki pajšli pa ŭzajemnaj zhodzie. Kłub taksama adznačyŭ, što trenier zastaniecca dla «Čełsi» važnym čałaviekam i moža raźličvać na ciopły pryjom.
Pamier niaŭstojki, jakuju vypłacić kłub, nie vydajecca. Brytanskija žurnalisty śćviardžajuć, što jana składzie kala 12 młn funtaŭ (amal 18 młn dalaraŭ). Da hetaha ŭ presie fihuravali i bolš bujnyja ličby, ale jany adnosilisia da skasavańnia kantrakta ŭ adnabakovym paradku.
