Masavymi atručańniami adznačyŭsia treci etap Kubka śvietu pa bijatłonie, jaki prachodzić u słavienskaj Paklucy. Jak piša Jeŭraradyjo sa spasyłkaj na championat.com, achviarami nieviadomaha virusu stała praktyčna ŭsia biełaruskaja zbornaja.
Napiaredadni honki pieraśledu biełaruskaja bijatłanistka Nadzieja Pisarava źjechała ŭ lakarniu ŭ Lublanu. U dzień startu ŭ lakarniu adpraviłasia i Darja Jurkievič. Pavodle papiarednich źviestak, u jaje dyjahnastavali razryŭ ślizistaj abałonki straŭnika. Lohkuju niamohłaść adčuła taksama i Nadzieja Skardzina.
Padčas samoj honki kanadskaja bijatłanistka Miehan Tandzi straciła prytomnaść i zvaliłasia prosta na adnym sa spuskaŭ trasy. Treniery adviali jaje ŭ miedpunkt. Ad špitalizacyi kanadka admoviłasia.
Paviedamlajecca, što achviarami virusnaj epidemii stali spartoŭcy zbornych Biełarusi, Aŭstryi dy Kanady, jakija pražyvajuć u adnym hateli. Pryčym zbornaja Aŭstryi zachvareła praktyčna poŭnym składam.
U hetym ža hateli, darečy, pražyvaje i zbornaja Rasii. Ale pra zachvorvańni siarod ich pakul nie paviedamlajecca.
