Toje, što siońnia adbyłosia, heta mały pakazalny ŭrok! My chacieli pakazać, što mahčyma ŭsio. I nam heta amal udałosia. Ale, na žal, amal! Ja adpačatku ličyŭ sistemu hałasavańnia hledačoŭ niapravilnaj. Tamu što ŭ dadzienym vypadku jano nie moža być abjektyŭnym. Hałasujuć tolki siabry, znajomyja i fan-kłuby, kali takija jość. Abjektyŭna horšaja pieśnia moža apynucca na pieršym miescy, a abjektyŭna lepšaja — na apošnim!
U hetym finale, jak minimum 6 piesień byli vartyja pieramohi! Naša pieśnia — adna ź ich! Mnie pisali ludzi ź Ispanii, Hałandyi, Hiermanii, Čechii, Irłandyi i inšych krain sa słovami zachapleńnia, i pažadańniami pośpiechu i pieramohi. Praktyčna va ŭsich jeŭrapiejskich hałasavańniach my byli ŭ lidarach, u adroźnieńnie ad siońniašniaj pieśni pieramožcy, jakaja była ŭsiudy na apošnich miescach da taho momantu, pakul pra heta hałasavańnie nie daviedvalisia našy rasijskija braty! Naša pieśnia pieramahła ŭ hałasavańni partała Eurofest.by, a ŭ hałasavańniach Ukantakcie, dzie idzie nakrutka na nakrutcy, my nie pieramahli ni ŭ adnym, bo za nas hałasavali tolki realnyja ludzi!..
Što treba dla pieramohi ŭ takich umovach? Viadoma, ahitacyja! Heta zvyčajnaja pieradvybarnaja kampanija! Čym, ułasna kažučy my i zanialisia) za niapoŭnyja 2 miesiacy paśla vychadu ŭ finał, my kožny božy dzień intervjuiravalisia va ŭsich drukavanych i internet-vydańniach, my byli ŭ biaskoncaj kolkaści efiraŭ na ŭsich telekanałach i radyjostancyjach. My aktyŭna pracavali ŭ sacyjalnych sietkach, dla taho kab jak maha bolš ludziej daviedalisia pra nas, my zaklikali hałasavać za nas, my rychtavali darahi pryhožy numar, jaki, na moj pohlad, u nas całkam atrymaŭsia…
Ale adnym razam u adbory źjaviłasia adno vialikaje ale! Źjaviŭsia małaviadomy ŭ Biełarusi artyst, ź imiem šyrokaviadomaha pavažanaha pradziusara. I mnie stała zrazumieła, što adnoj ahitacyjaj tut nie abydziešsia. Tamu vyrašyli pasprabavać dać boj!
Vielmi ździŭlusia, kali chto-niebudź z vas vieryć, što za małaviadomaha Sašu Ivanova biełarusy adpravili 23167 zvankoŭ i smsak. Takich ličbaŭ nie było ŭ adborach, napeŭna ni ŭ kaho. Heta, sapraŭdy śmiešna! Sapraŭdy hetak ža, jak i toje, što za Napoli na ŭłasnym entuzijaźmie ludzi adpravili 22399 hałasoŭ. Ale, zapeŭnivaju Vas, što za Napoli hetyja hałasy byli adpraŭlenyja! My nie kuplali ludziej!
My padniali ŭsich siabroŭ, znajomych, svajakoŭ, fanaŭ Napoli, jakich za amal 4 hady isnavańnia hurtu źjaviłasia niamała, i abjadnali ich adnoj idejaj! Kamu nie lanota, pahladzicie UKantakcie kolki repostaŭ našaj pieśni pa ŭsich haradach Biełarusi! Ale my apłacili hetuju ideju. I budziem apłačvać jašče doŭha. Tamu što kali my ŭbačyli pramiežkavyja vyniki, zvarotnaha šlachu ŭžo nie było — i prasili našych rodnych praciahvać hałasavać.
U bolšaści ciapier na telefonnych rachunkach: minus 1,5—2 miljony. U mianie asabista minus 2300. Vy sabie ŭjavić nie možacie, jak hetyja ludzi ciapier zasmučanyja. I mnohija, darečy, nie patrabujuć viartańnia hrošaj, bo im kryŭdna za situacyju, kryŭdna za nas! Bo my vielmi staralisia, šmat pracavali! U nas vydatnaja, dastojnaja pieśnia adnaho z najlepšych kampazitaraŭ krainy Leanida Šyryna, za pracy jakoha kryŭdna ŭdvaja, bo źjaŭlajecca čałaviek z bolš hučnym imiem, jaki faktyčna choča prapijaryć svajho artysta. Artysta, jaki ničoha nie dabiŭsia ŭ svajoj krainie. I naŭrad ci budzie damahacca. Našy artysty z samych nizoŭ prabivajucca, stukajucca ŭ začynienyja biełaruskija dźviery.
I ŭsio dziela čaho? Kab pryjšoŭ taki voś talenavity chłopčyk z Maskvy, ulehcy vyjhraŭ adbor adkryta kuplenymi ŭ vypadkovych ludziej hałasami i ŭspryniaŭ svaju pieramohu, jak maje być? U nas niekatoraja kolkaść hałasoŭ faktyčna taksama kuplenaja, ale ludźmi nie vypadkovymi, a ŭsimi znajomymi pamiž saboj ludźmi, abjadnanymi supolnaj idejaj! Ja nie spračajusia, pieśnia Drobyša dobraja, i chłopčyk pryjemny i talenavity. I ŭpeŭnieny, što za jaho prahałasavała niejkaja kolkaść ludziej. Ale heta nie biełaruski artyst, chaj navat jon rodam z Homiela.
Piecia Jałfimaŭ choć by spačatku tut damohsia usich mahčymych vyšyń, i tolki potym źjechaŭ zavajoŭvać Maskvu.
Uvohule, da čaho ja heta ŭsio kažu: my siońnia prajhrali z roźnicaj u 668 hałasoŭ. I ja rady, i hanarusia, što my nie pabajalisia i što naša maleńkaja kamanda zmahła dać sapraŭdny boj rasijskamu kanhłamieratu. My pakazali, što Biełaruś taksama maje siłu i honar! My b navat mahli i vyjhrać, ale ŭ apošnija 5 chvilin, našy hałasy pierastali prymacca!
Zaraz ja chaču ščyra pažadać pośpiechu Sašu Ivanovu, kab hodna pradstaviŭ Biełaruś na Jeŭrabačańni! Skazać vialiki dziakuj usim chto za nas zaŭzieŭ, usim chto nas padtrymlivaŭ, i, viadoma, vialiki dziakuj Biełdziaržteleradyjokampanii i asabista Volzie Šlahier za, jak zaŭsiody, prafiesijnuju arhanizacyju adboru! Heta byli vielmi zajmalnyja 2 miesiacy. I my, spadziajusia, znoŭ budziem sprabavać trapić na Jeŭrabačańnie, kali budzie dastojnaja pieśnia!
Tolki chaciełasia, kab usio ž taki ŭ adbory było žury, jak i ŭ papiarednija hady. Tady sapraŭdy ŭsio było spraviadliva!
I na Jeŭrabačańnie adpraŭlali absalutna lepšyja z pradstaŭlenych u adbory piesień!
