Latučy ŭniviersitet pry padtrymcy hramadskaj kulturnickaj kampanii «Budźma biełarusami» i kursaŭ biełaruskaj movy «Mova Nanova» praciahvaje cykł lekcyj, pryśviečanych spadčynie Ihnata Abdzirałoviča. Razvažajučy nad idejami, pramoŭlenymi ŭ ese «Adviečnym šlacham», sučasnyja fiłosafy nanoŭ aktualizujuć ich u prastory siońniašniaj Biełarusi - tym samym padšturchoŭvajučy i nas da refleksii našaha žyćcia, žyćcia našaj krainy pavodle stvoranaj Abdzirałovičam sistemy kaštoŭnaściej..
30 studzienia ŭ miežach hetaha cykła fiłosaf Valancin Akudovič pramović u Mahilovie.
«Tvoračy zrujnujem» - hetyja słovy kancujuć ese Ihnata Abdzirałoviča «Adviečnym šlacham». Chacia na ich zvyčajna nie źviartajuć uvahi, albo spałochana śpiašajucca zabyć. Jak ža tak! U škołkach zaŭsiody vučyli, što kožny tvorčy akt a priori jość cudam, jakoje adno vialičyć pryŭkrasu žyćcia, a tut…
Tolki nie budziem śpiecham zaličvać našaha chłopca (ličy padletka) u nihilisty. Bo chacia ŭ hetym ese jaho hienialnym suaŭtaram užo była śmierć, pramaŭlajučy «Tvoračy zrujnujem», jon pramaŭlaŭ adnu z samych žyćcialubnych idej, jakija ja choć ad kaho čuŭ.
Ese pabačyła śviet u 1921 hodzie ( praz dva hady Ihnat pamre). Na tuju paru Jeŭropa i Rasijskaja impieryja apynulisia zhamavanymi da astačy suśvietnaj vajnoj i šmatlikimi revalucyjami. Usiudy biada, śmierć dy jenk. I ŭsio heta narabili sami ludzi, kab vyzvalicca ad daŭno sparachniełych formaŭ žyćcia dziela ŭžo sapraŭdy «śvietłaj javy»…
Mienavita tady Ihnat, jaki i sam dobra chapanuŭ toj kałatniečy, kaža: nie harmatami dy nianaviściu treba rujnavać adžyłaje, jakoje chapaje za nohi žyvych. Jaho treba rujnavać stvarajučy novaje. Tvaryć i tvaryć, biez stomy, jak biez stomy ciače rečka. Adno ŭ takim razie, mahčyma, zbytkoŭnymi stanucca vojny dy revalucyi…
Vyhladaje byccam i naiŭna, ale…»
Lekcyja Valancina Akudoviča «Tvoračy zrujnujem» adbudziecca 30 studzienia a 15.00 pa adrasie: Mahiloŭ, zav. Čkałava, 16 («Koła siabroŭ»). Uvachod volny!
Pra inšyja lekcyi hetaha cykła čytajcie na sajcie Latučaha ŭniviersiteta i na staroncy ŭ facebook.
