Fota Siarhieja Hudzilina
«Varta ŭsim zrazumieć, što emisija — heta fiskalnaja palityka manietarnymi srodkami, u vyniku raście rezka inflacyja, što faktyčna źjaŭlajecca padatkam na ŭsio hramadstva, na ŭsich uładalnikaŭ rublovaj masy», — piša Miaśnikovič u svajoj knizie «Evalucyjnyja transfarmacyi ekanomiki Biełarusi», jakaja źjaviłasia ŭ prodažy ŭ staličnych kniharniach.
Na dumku Miaśnikoviča, łabirujučy prahramy biez realnych krynic finansavańnia, inicyjatary prajekta pavinny razumieć, što vystupajuć za dadatkovaje padatkaabkładańnie našych hramadzian.
Akramia taho, padkreślivaje były premjer-ministr, prajekty, jakija realizujucca ŭ ekanomicy, nie pavinny źjaŭlacca ciažaram i dla dziaržbiudžetu.
«Asablivuju ŭvahu nieabchodna źviartać na znachodžańnie realnych krynic finansavańnia žyllovaha budaŭnictva, nie dapuščajučy pavieličeńnia nahruzki na dziaržaŭny biudžet. Ź dziaržaŭnaha biudžetu srodki pavinny nakiroŭvacca tolki na budaŭnictva arendnaha žylla, jakoje zastaniecca ŭ dziaržaŭnaj ułasnaści i praz peŭny čas układzienyja ŭ jaho srodki dla dziaržavy akupiacca», — ličyć Miaśnikovič.
Razvažajučy pra zadačy hrašova-kredytnaj palityki, były premjer-ministr adznačaje nieabchodnaść pavyšać efiektyŭnaść ajčynnaj bankaŭskaj sistemy, «raźvićcio jakoj pakul adstaje ad patrebaŭ realnaha siektara ekanomiki».
«Havorka idzie nie tolki pra nizkuju dastupnaść bankaŭskich kredytaŭ, suadnosiny aktyvaŭ i VUP, jakaść karparatyŭnaha kiravańnia. Banki pavinny być nie tolki kredytnymi ŭstanovami, ale i raźvivać uvieś kompleks spadarožnych finansavych pasłuh: ad lizinhu i ekspartnaha kredytavańnia da pryncypovaha analizu efiektyŭnaści prajektaŭ madernizacyi, pad jakija vydajucca kredytnyja resursy, asabliva ź dziaržaŭnaj padtrymkaj», — ličyć Miaśnikovič.
