Uviadzieńnie sankcyj u dačynieńni da členaŭ Centralnaj kamisii, kiraŭnikoŭ terytaryjalnych vybarčych kamisij było vialikaj pamyłkaj Jeŭrasajuza, ličyć sakratar Centrvybarkama Mikałaj Łazavik.
«Da skasavańnia sankcyj my stavimsia stanoŭča. Heta była plama hańby, jakuju jany zmyli», — zajaviŭ jon žurnalistam 16 lutaha ŭ Minsku.
Łazavik ličyć, što dla ŭviadzieńnia sankcyj nie było nijakich jurydyčnych padstaŭ. «Kali vy pamiatajecie, to pa vynikach vybaraŭ 2010 hoda ŭ spravazdačy ABSIE źjaviłasia navat fraza, što hałasavańnie prajšło dobra. I raptam paśla hetaha adbyvajecca šturm Doma ŭrada, arhanizavany niejkimi pahromščykami. A vinavatymi akazalisia členy Centrvybarkama i arhanizatary vybaraŭ, na ich byli nakładzienyja sankcyi», — skazaŭ sakratar CVK.
«Toje, što sankcyi byli skasavanyja, — heta pieramoha spraviadlivaści», — padkreśliŭ Łazavik.
