Fota Siarhieja Zinina
Apadki i paryvisty viecier čakajucca ŭ Biełarusi na hetych vychadnych, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
«U siaredzinie tydnia skandynaŭski antycykłon palepšyŭ nadvorje ŭ Biełarusi: apadki spynilisia, z rostam atmaśfiernaha cisku abłokaŭ stała mała i krychu pachaładała. Niahledziačy na toje, što tempieraturny fon źniziŭsia, jon pa-raniejšamu zastajecca na 1-6 hradusaŭ vyšejšym za klimatyčnuju normu. Ale antycykłon nadoŭha nie zatrymaŭsia i ŭžo ŭ bližejšyja sutki, pačynajučy z zachodnich rajonaŭ krainy, nadvorje budzie źmianiacca», - padkreśliła Śviatłana Rybakova.
U piatnicu terytoryja Biełarusi apyniecca pad upłyvam atmaśfiernych frantoŭ, pa ŭschodzie krainy ŭmovy nadvorja jašče budzie vyznačać vobłaść pavyšanaha atmaśfiernaha cisku. Čakajecca vobłačnaje z prajaśnieńniami nadvorje. Pieravažna pa zachodniaj pałavinie respubliki projduć apadki ŭ vyhladzie mokraha śniehu i daždžu, miescami hałalod. Na asobnych učastkach daroh zachavajecca hałalodzica. Tempieratura pavietra nočču składzie 1-6 hradusaŭ marozu, pa ŭschodzie prahnazujecca da minus 8. Dniom čakajecca ad minus 1 da plus 4. Pa paŭdniovym zachadzie Biełarusi budzie ciaplej: nočču - ad nula da plus 3, dniom - 5-6 ciapła.
«U vychadnyja nadvorje ŭ Biełarusi ŭ asnoŭnym buduć vyznačać atmaśfiernyja franty, jakija źmiaščajucca z paŭdniovaha zachadu Jeŭropy, čakajecca niaŭstojlivaje nadvorje», - adznačyła sinoptyk.
U subotu ŭ zachodnich i centralnych rajonach krainy projduć apadki, u asnoŭnym u vyhladzie mokraha śniehu. Miescami mahčymy słaby hałalod, na darohach zachavajecca hałalodzica. Viecier budzie paŭdniova-ŭschodni paryvisty. Tempieratura pavietra nočču składzie ad minus 5 da plus 2, dniom čakajecca ad minus 2 da plus 5.
U niadzielu časam projduć apadki (mokry śnieh, dniom pa paŭdniovym zachadzie z daždžom). Miescami mahčymy słaby hałalod, na darohach zachavajecca hałalodzica. Viecier budzie paŭdniova-ŭschodni paryvisty, dniom u asobnych rajonach paryvy da 15-17 m/s. Tempieratura pavietra nočču składzie ad minus 5 da plus 2. Dniom čakajecca ad 2 marozu da 5 ciapła, pa paŭdniovym zachadzie da plus 8.
U pačatku nastupnaha tydnia terytoryja Biełarusi budzie znachodzicca pad upłyvam frantalnych sistem, jakija źmiaščajucca z Zachodniaj Jeŭropy, i ciopłych pavietranych mas atłantyčnaha pachodžańnia.
U paniadziełak, 22 lutaha, čakajecca ciopłaje niaŭstojlivaje nadvorje. Na bolšaj častcy terytoryi projduć apadki (mokry śnieh, jaki budzie pierachodzić u doždž). Nočču i ranicaj u asobnych rajonach mahčymy słaby hałalod, na darohach zachavajecca hałalodzica. Miescami prahnazujecca ŭzmacnieńnie vietru da 15-20 m/s. Tempieratura pavietra nočču składzie ad minus 2 da plus 4, pa paŭdniovym zachadzie da 6 ciapła. Dniom budzie 3-9 vyšej za nul, pa poŭdni miescami 10-12 ciapła.
U aŭtorak, 23 lutaha, časam čakajucca apadki (doždž, dniom pa paŭnočnym zachadzie z mokrym śnieham). Miescami mahčyma ŭzmacnieńnie vietru da 15-20 m/s. Tempieratura pavietra na praciahu sutak składzie ad plus 1 hradusa pa paŭnočnym zachadzie da plus 8 pa paŭdniovym uschodzie.-
