Paŭdniovaja častka łahiera pavinna być vyzvalena da viečara 23 lutaha, vyrašyli ŭ prefiektury departamienta Pa-de-Kale.
Usie ŭciekačy, jakija zastanucca ŭ łahiery paśla hetaha terminu, buduć vysielenyja, paviedamili ŭłady. Zatym paŭdniovuju častku, jakaja składaje kala pałovy ŭsiaho namiotavaha łahiera, źniasuć.
Pavodle acenak uładaŭ, pradpisańnie vymusić źmianić miesca žycharstva 800-1000 čałaviek. Im prapanujuć pierasialicca ŭ śpiecyjalna abstalavanyja žyłyja moduli. Na ich asnaščeńnie ŭłady vydatkavali kala 25 młn jeŭra.
Žyłyja moduli, fota AFP
Kolkaść mihrantaŭ u łahiery ŭ Kale, viadomym jak «džunhli», za apošnija dva hady vyrasła ŭ niekalki razoŭ. Łahier pieratvaryŭsia ŭ mini-horad. Tut jość kramy, restaran, relihijnyja ŭstanovy i navat teatr.
U studzieni paviedamlałasia, što ŭłady źnieśli miačeć i škołu dla mihrantaŭ.