Francuzski bijatłanist Marten Furkad vyjhraŭ indyvidualnuju honku na 20 kiłamietraŭ na čempijanacie śvietu pa bijatłonie ŭ Chałmienkolenie.
Furkad dapuściŭ 1 (0+1+0+0) promach i na piać siekund apiaredziŭ aŭstryjca Daminika Łandertynhiera (0+0+0+ 0). Treciaje miesca zaniaŭ jašče adzin pradstaŭnik Aŭstryi Simon Eder (0+ 0+0+0).
Adznačym, što heta ŭžo čaćviorty załaty miedal Furkada na ciapierašnim pieršynstvie. Raniej jon vyjhraŭ sprynt, pieraśled, a taksama razam sa zbornaj Francyi pieršynstvavaŭ u źmiašanaj estafiecie.
Dla biełarusaŭ honka skłałasia nie lepšym čynam. Lepšym u našaj kamandzie staŭ Juryj Ladaŭ (1+1+ 0+0), jaki finišavaŭ 36-m. Uładzimir Čapielin (3+0+2+1) pakazaŭ 56-y vynik. Raman Jaletnaŭ (1+2+0+2) staŭ 61-m, Dźmitryj Dziužaŭ (2+0+1+1) - 65-m.
