22 sakavika ŭ Minsku adbyłasia vielikodnaja pres-kanfierencyja arcybiskupa Tadevuša Kandrusieviča, mitrapalita Minska-Mahiloŭskaha, jaki ŭ pryvatnaści prakamientavaŭ mahčymaść vizitu ŭ Biełaruś Papy Rymskaha.
«Ciapier spryjalny klimat dla taho, kab Papa Rymski pryjechaŭ u Biełaruś. Nieabchodnaje zaprašeńnie prezidenta, zaprašeńnie Kanfierencyi biskupaŭ, a taksama niehałosnaja zhoda pravasłaŭnaj carkvy. Heta takoje niapisanaje praviła. Papa nikoli nie jeździć biez ŭzhadnieńnia ŭ krainu, dzie bolšaść adnosicca da inšaha vieravyznańnia, nie katalickaha. Hety vizit pavinien cemientavać hramadstva, a nie ŭbivać klin u hetyja adnosiny. Hetyja adnosiny siońnia palapšajucca. Ja pierakanany, što siońnia vizit Papy bližejšy, čym kali-niebudź raniej. Adnak nieabchodna vykanać hetyja ŭmovy», — skazaŭ Kandrusievič.
